A democácia fai-se desde abaixo

Depois de muito tempo sem escrever nada neste espaço volvo hoje para fazé-lo sobre um tema que me molesta muito, as candidaturas das eleiçons municipais. Essas que se fam pensando cara dentro e nom cara fora, nos cidadaos. Dá igual que seja em Cuscupedrinhos de Arriba ou em Compostela. A democrácia fai-se desde abaixo. Nom se teriam de seguir ordes de partido. Nom se teria que fazer umha lista pensando se um está afiliado ou se me apoiou na xunta local, e por isso o coloco no número 3, porque o 2 é da minha confiança ou porque mo meterom a calçador. Nom se pode fazer isso. Umha candidatura numhas eleiçons municipais, já nom falo dumhas nacionais ou estatais, na minha modesta opiniom, deveriam elaborar-se tendo sempre em mente quem realmente importa e quem, a final, vam ser os teus votantes. No caso de Compostela, que é do que algo conheço, é indignante que, por ser a capital se inclua a gente que nem sabe o que é a política municipal nem está inserida neste mundillo. Gente que só tenha os méritos de assistir a manifestaçons, reunións do partido ou colar cartazes nom deve nunca ser representante local. Numha situaçom assi, é dizer, na configuraçom dumha lista para representar ao teu concelho devem primar sempre as vizinhas e vizinhos conhecidas e conhecidos por trabalhar dia a dia em favor da sociedade, neste caso, local. Com isto a quem me quero referir, pois, por exemplo, aos representantes das asociaçons de vizinhos que conhecem os problemas do seu bairro ou da sua parróquia.

Nom sou um experto em política, mas o que si sei é que com este tipo de cousas agranda-se, ainda mais, a distância entre representantes políticos e cidadania. A casa começa-se a facer polos cimentos, nom polo telhado. Perguntemos-lhes a eses aos que vamos representar quais são os seus problemas e nom lho digamos nós. Como diria Groucho Marx: "a política é a arte de buscar problemas, atopá-los, fazer umha diagnose falsa e aplicar depois os remedios equivocados". Nas nossas mãos está a tarefa de mudar isto e fazer dos concelhos um lugar governado por vizinh@s e nom por políticos.

Que preferes, umha Espanha socialista, com todo ventagens e sem nengum inconveniente, ou umha Galiza independente cos seus defeitos?

VS.

Esta é a primeira das disjuntivas dumha série delas que irám enchendo as páginas deste blog. A maioria estarám orientadas cara temas políticos, mas nom só; também haverá outras questões que eu vos apresentarei e das que gostaria que opinarades. Aguardo as vossas respostas.

A nacionalidade galega

Há uns anos, concretamente o 18 de Outubro de 2005, saia esta notícia no suplemento Crónica do jornal El mundo, "Dos Hermanos: nacionalidad, gallega". A nova trata o tema dum pai que decidiu inscrever aos seus filhos no registro civil coa nacionalidade galega, baseando-se numha resoluçom da Dirección General de Registros y Notarías onde se "reconhecia o dereito de J.C.P. a inscrever á sua filha M. no Registro coa anotaçom «nacionalidad catalana»".

Deixando á margem os erros que contem a notícia, como denomina à C.I.G. "Converxencia Intersindical Galega" en lugar de "Confederación Intersindical Galega", deixando à margem erros coma este, e outros, eu acho que a nova está bem -bem dentro do que se pode aguardar deste jornal, claro-. Mas agora, com esta informaçom nas mãos, as questões que eu vos faço são: É ageitado fazer umha campanha de toma de consciência para promover a inscriçom no resgistro civil dos nenos coa nacionalidade galega? e, pode-se inscrever um adulto com esta nacionalidade?

Manifesto 'En defensa dos dereitos fundamentais en Internet'

Colhido tal qual do blog do companheiro O pástor eléctrico deixo-vos aqui o seguinte manifesto:

Ante a inclusión no Anteproxecto de Lei de Economía sustentábel de modificacións lexislativas que afectan o libre exercicio das liberdades de expresión, información e o dereito de acceso á cultura a través de Internet, os xornalistas, blogueiros, usuarios, profesionais e creadores de internet manifestamos a nosa firme oposición ao proxecto, e declaramos que…

1.- Os dereitos de autor non poden situarse por riba dos dereitos fundamentais dos cidadáns, como o dereito á privacidade, á seguridade, á presunción de inocencia, á tutela xudicial efectiva e á liberdade de expresión.

2.- A suspensión de dereitos fundamentais é e debe seguir a ser competencia exclusiva do poder xudicial. Nin un peche sen sentenza. Este anteproxecto, en contra do establecido no artigo 20.5 da Constitución, pon nas mans dun órgano non xudicial -un organismo dependente do Ministerio de Cultura-, a potestade de impedir aos cidadáns españois o acceso a calquera páxina web.

3.- A nova lexislación creará inseguridade xurídica en todo o sector tecnolóxico español, prexudicando un dos poucos campos de desenvolvemento e futuro da nosa economía, obstaculizando a creación de empresas, introducindo atrancos á libre competencia e ralentizando a súa proxección internacional.

4.- A nova lexislación proposta ameaza os novos creadores e obstaculiza a creación cultural. Con Internet e os sucesivos avances tecnolóxicos democratizáronse extraordinariamente a creación e a emisión de contidos de todo tipo, que xa non proveñen prevalentemente das industrias culturais tradicionais, senón de multitude de fontes diferentes.

5.- Os autores, como todos os traballadores, teñen dereito a viviren do seu traballo con novas ideas creativas, modelos de negocio e actividades asociadas ás súas creacións. Tentar soster con cambios lexislativos unha industria obsoleta que non sabe adaptarse a este novo contorno non é nin xusto nin realista. Se o seu modelo de negocio se baseaba no control das copias das obras e en Internet non é posíbel sen vulnerar dereitos fundamentais, deberían procurar outro modelo.

6.- Consideramos que as industrias culturais necesitan para sobrevivir alternativas modernas, eficaces, críbeis e asequíbeis e que se adecúen aos novos usos sociais, en lugar de limitacións tan desproporcionadas como ineficaces para o fin que din perseguir.

7.- Internet debe funcionar de forma libre e sen interferencias políticas auspiciadas por sectores que pretenden perpetuar obsoletos modelos de negocio e imposibilitar que o saber humano siga a ser libre.

8.- Esiximos que o Goberno garanta por lei a neutralidade da Rede en España, ante calquera presión que poida producirse, como marco para o desenvolvemento dunha economía sostíbel e realista de cara ao futuro.

9.- Propoñemos unha verdadeira reforma do dereito de propiedade intelectual orientada ao seu fin: devolver á sociedade o coñecemento, promover o dominio público e limitar os abusos das entidades xestoras.

10.- En democracia as leis e as súas modificacións deben aprobarse tras o oportuno debate público e tendo consultado previamente todas as partes implicadas. Non é de recibo que se realicen cambios lexislativos que afectan a dereitos fundamentais nunha lei non orgánica e que versa sobre outra materia.

NOTA: Este manifesto foi redactado conxuntamente por xornalistas, blogueiros e internautas, nunha maratoniana sesión durante a tarde-noite de onte. Se estás de acordo, difúndeo por todas as vías que poidas.

Se ao da T.V.G lhe chamamos manipulaçom, que nome lhe damos a isto?

Que em pleno século XXI ainda se use 'maçom' como algo pejorativo, manda c...!

Ac/Dz - Lamatumbá

Megaconstrucciones: Cidade da Cultura

Se queredes ver o vídeo em verssom original, premede aqui

Freaks

Escuitade a este rapaz que nom tem desperdício. A entrevista começa a partir do minuto 26, mais ou menos.

http://crtvg.es/reproductor/inicio.asp?canal=radio&hora=15/07/2009%201:05:00&fecha=14/07/2009&arquivo=1&programa=ESTAMOS%20EN%20CRISE

Juan Carlos Moreno Cabrera - La Lingüística y el nacionalismo lingüístico español

Conferência a cargo de Juan Carlos Moreno com o título; "La Lingüística y el nacionalismo lingüístico español" dentro do marco da Jornada 10 Anys de Filologia catalana a la UOC.



Una conversación solamente

O Carrabouxo

A web só em galego

Um tresillo no meio do vestíbulo para a foto amável do presidente xunto a Nuevas Generaciones. E um aquário de cristal, metáfora da transparência que vende a cada hora este partido, para que compareçam os líderes. Ontem, só Miranda e o próprio Feijóo. Os corredores aproximarom a militancia aos novos conselheiros. Ou ao revés. Beatriz Mato bicou a todo o mundo. Jogava em casa. Baltar, mais longe, contou a todo o mundo que "Toñito de Allariz" é um dos seus.

Dous deputados noveis debateron sobre em que proposta participar. Acabarom na cafetaria. Nom se perderom muito. E isso que algumha delas começou cum debate interessante. O que propujo Pilar, umha afiliada indignada ao ver que as propostas eram monolingues e em galego! "Después de darle mucho la tabarra a Alberto", a web do PP incluiu umha pestana coa sua traduçom ao castelhano. Que nom funciona. Ao receber as "boas tardes" de Feijóo, Pilar devolveu-lhe um "buenas tardes, Alberto, también para los que hablamos en castellano". Feijóo tomou nota e misturou os dous idiomas.

Para ler a nova no seu lugar de origem, preme aqui

25 de Abril. Dia da Revolução dos Cravos.

"Admito que a revolução seja uma utopia, mas no meu dia-a-dia procuro comportar-me como se ela fosse tangível. Continuo a pensar que devemos lutar onde exista opressão, seja a que nível for".

José Afonso

Grândola, Vila Morena

Grândola, vila morena
Terra da fraternidade
O povo é quem mais ordena
Dentro de ti, ó cidade

Dentro de ti, ó cidade
O povo é quem mais ordena
Terra da fraternidade
Grândola, vila morena

Em cada esquina um amigo
Em cada rosto igualdade
Grândola, vila morena
Terra da fraternidade

Terra da fraternidade
Grândola, vila morena
Em cada rosto igualdade
O povo é quem mais ordena

À sombra duma azinheira
Que já não sabia a idade
Jurei ter por companheira
Grândola a tua vontade

Grândola a tua vontade
Jurei ter por companheira
À sombra duma azinheira
Que já não sabia a idade

José Afonso

Sueño con Serpientes - Silvio Rodríguez

"Hay hombres que luchan un día y son buenos.

Hay otros que luchan un año y son mejores.
Hay quienes luchan muchos años, y son muy buenos.
Pero hay los que luchan toda la vida, esos son los imprescindibles".

Bertolt Brecht

Sueño con serpientes, con serpientes de mar,
con cierto mar, ay, de serpientes sueño yo.
Largas, transparentes, y en sus barrigas llevan
lo que puedan arrebatarle al amor.

Oh, la mato y aparece una mayor.
Oh, con mucho más infierno en digestión.

No quepo en su boca, me trata de tragar,
pero se atora con un trébol de mi sien.
Creo que está loca; le doy de masticar
una paloma y la enveneno de mi bien.

Oh, la mato y aparece una mayor.
Oh, con mucho más infierno en digestión.

Ésta al fin me engulle, y mientras por su esófago
paseo, voy pensando en qué vendrá.
Pero se destruye cuando llego a su estómago
y planteo con un verso una verdad.

Oh, la mato y aparece una mayor.
Oh, con mucho más infierno en digestión.

Oh, la mato y aparece una mayor.

A Faes acusa o Instituto da Lingua de inventarse o vocabulario e de acudir ao portugues

Europa Press. Un documento da "Fundación para el análisis y los estudios sociales (FAES)", presidida polo ex presidente do Goberno José María Aznar, tacha o proceso histórico de normalización do galego de 'experimento' ante o que 'se inmolan a educación, a política cultural, os dereitos individuais e o sentido común.

'La Paradoja de la normalización del gallego', de FAES

Segundo considera o documento, difundido na serie 'Papeis Faes' e elaborado polo filólogo clásico e profesor de Lingua Española e Literatura Andrés Freire, a política de normalización lingüística da Comunidade galega "é a última das extravagancias que atravesa a historia de España".

No documento, recollido por Europa Press, Freire explica que este proceso levado a cabo "nos últimos 30 anos" puxo en dúbida" o "fenómeno de expansión" do castelán que "se converteu na lingua de prestixio" ao longo da Península Ibérica.

"A ignorancia dalgúns e o interese doutros axuntaron esforzos para reverter este proceso de séculos coa escusa de que estamos ante unha anormalidade resultante dun suposto 'imperialismo castelán'", indica Freire. "Esta política, inusitadamente denominada 'normalización' é a última das extravagancias que atravesa a historia de España", sostén.

Así, defende que o proceso de evolución histórica do galego representa a "construción dunha lingua recoñecíbel" a partir dunha "suma de variantes lingüísticas galaicas" cuxa supervivencia débese ao "illamento" de Galiza e ao "analfabetismo do campesiñado galego".

Neolingua

Neste sentido, considera que as tres últimas décadas da historia do galego estiveron marcadas polo "diferencialismo" que, na súa opinión, levou o Instituto da Lingua Galega a "inventarse todo un vocabulario" e a acudir ao portugués ou a "calquera variante lingüística local que difira do castelán".

Devandita evolución, desembocou nunha 'neolingua' "usada para as cerimonias e os actos públicos, pero que se abandona unha vez que as cámaras non enfocan" e que rexeitou trazos característicos da lingua como o seseo ou a gheada "por un vocabulario cambiante e artificioso, repleto de palabras xamais pronunciadas por un galego".

"O pechado acento de aldea foi visto como un trazo lingüístico a desterrar", sentenciou Freire no informe, para recordar que os técnicos da normalización inclináronse por un "castelán de Galicia".

“Loitas fratricidas”

Doutra banda, Freire achaca a culpabilidade de todo este proceso ao nacionalismo "dividido en loitas fratricidas", en referencia á corrente que defende unha norma "propiamente galega" e os que avogan por un achegamento ao portugués.

Así, criticou que as diferentes correntes provocaron "querelas insufríbeis" que "lonxe de acougarse, continúan hoxe escindindo ao nacionalismo galego" nunha "gran batalla intergalaica".

En pleno debate ante a próxima derrogación do Decreto que regula un 50 por cento de materias impartidas en galego por parte do Goberno electo do PPdeG e o abandono das 'Galescolas', o informe nega a existencia de ataques ao galego "salvo nos foros nacionalistas".

Así mesmo, critica que o achegamento do galego á norma do portugués que, segundo comentou o informe, defende o ex vicepresidente da Xunta, Anxo Quintana, suporá que os estudantes galegos "que a penas estudan hoxe en castelán" se atoparon con que as formas lingüísticas que estudaron "desaparecerán algún día".

"Empezaron solicitando o bilingüismo oficial, proseguiron coa discriminación positiva, avanzaron cara á desaparición do castelán como lingua oficial de facto en Galicia, e agora adoiten con que o uso deste pase a ser excepcional, coa escusa do dereito a 'vivir en galego'" –en alusión ao lema da Mesa pola Normalización Lingüística–, sentenza.

A nova está tirada de aquí

E estiverom presentes no Mar de ausencias

Onte, Domingo 5 de Abril, Modesto Fraga apresentava a reediçom do seu livro Mar de Ausencias na costa de Fisterra. Lá no mar, a bordo do barco "María Elena", dezenas de persoas se derom cita para escuitar os versos do poeta na voz dos seus amigos Roberto Traba Velay, Maria José Lado e Javier Campaña Martínez (autor das cartografias que acompanham aos poemas), da sua tia Lola e do próprio Modesto.

Mas esta apresentaçom tivo algo de especial, ademais de fazer-se num barco -cousa insólita-, houve um momento para a lembrança dos marinheiros mortos nessas mesmas águas. Alguns dos familiares do Bonito, do Isleña e do Begoña lanzárom cadansua flor ao mar em sinal de recordo àqueles lobos de mar que derom a sua vida fazendo aquilo do que trabalhavam, pescando.

A continuaçom, deixo-vos um vídeo do poeta recitando "Fisterra":

FISTERRA

Por anagrama levas a senda do erotismo
debuxado. No horizonte a imaxe do teu pobo:
dous fermosos seos de muller tralos penedos
que esconden a verdade de tanta lenda viva.

Orcavella. A lenda das lendas esquecidas
que dorme no cumio, alén onde remata o Facho.
A de San Guillerme, Ara Solis, e tantas outras
que levan de anagrama a senda do erotismo.

A de cidade como Duggium. terra dos pagáns,
asolagada polos mares e condenada
a ficar baixo terra pola súa teima ó mal.
Por anagrama, tamén a senda do erotismo.

Dende o Cabalo de ouro, soterrado nalgures,
ata as máis fecundas lendas do culto a Venus:
din por acá os máis novos, que contan os máis vellos
que levan de anagrama a senda do erotismo.

Mais informaçom do acto em:
Que pasa na costa
La Voz de Galicia
Artigo de Anxo Tarrío

O extraño roubo ao Robin Hood do Gadis do Campus Norte

O extraño roubo ao Robin Hood do Gadis do Campus Norte

“Castelao non militaría hoxe no BNG”

O catedrático fala sobre o marxismo, Piñeiro, a visión que da cultura galega se ten fóra e Castelao, do que fan 25 anos da chegada dos seus restos a Bonaval.

O catedrático Xesús Alonso Montero anuncia a publicación de cando menos media ducia de libros este ano, entre eles unha investigación sobre a viaxe de Castelao á URSS en 1938, e outro sobre Ramón Piñeiro. Viron a luz xa as reedicións de Antonio Machado na nosa voz e Encuesta mundial sobre la lengua y la cultura gallegas, e mais Letras Galegas, unha compilación de artigos publicado polo profesor nos anos setenta en Triunfo e outras revistas. Tamén Cartas de republicanos galegos condenados a morte, "un libro moi importante, -di- son 120 cartas, e algunhas levo toda a vida buscándoas, dende 1966 que publiquei a primeira, de Víctor Casas, até unhas que conseguín en B.Aires en maio, dunha familiar duns fusilados".

Na obra mestúranse cartas ben distintas: "hai cartas que se escriben para a historia e outras non. No libro recóllense cartas persoais, cartas de amor que un pobre infortunado de cerca de Salvaterra lle escribiu á súa moza; o que pasa é que chegou ás miñas mans e pasou a formar parte da historia. Pero outros, cando escribían estas cartas sabían que escribían para a historia".

Esta é a introduçom à entrevista. Se queredes seguir lendo, premede aqui. E depois, a dar a vossa opiniom.

A Alberto Núñez Feijóo

Compostela é a cidade onde máis se usa o galego e destaca en monolingües

A Mesa salienta a evolución negativa do idioma que reflicte o Mapa Sociolingüístico da Real Academia

Se se fai unha suma entre as persoas que manifestan falar «só galego» ou «máis galego», Compostela é a cidade onde máis se usa o idioma do país, pois é a lingua preferida para o 41,9% da súa poboación, segundo indica a nova edición do Mapa Sociolingüístico Galego, elaborado pola Real Academia Galega. O documento reflicte que o 13,2% dos santiagueses se recoñecen «monolingües en galego», o que fai de Compostela a segunda cidade do país, só ultrapasada por Lugo que ten un 13,4% de monolingües.

Estes datos foron salientados por Carlos Callón, presidente da Mesa pola Normalización Lingüística, que presentou a análise desa investigación realizado pola súa entidade.

A situación do galego é «de emerxencia», afirma Callón, pois segundo ese estudo, entre 1992 e o 2004 -este foi o ano en que se realizou- aumentaron case o dobre o número de persoas que afirman non falar nunca en galego (eran o 13% en 1992 e o 25% en 2004).

Alén diso, un 10,7% dos menores galegos recoñecen ao seren consultados que recibiron ensino «só en castelán», o que contraría a legalidade vixente.

Nese período de 12 anos, o volume de persoas que din falar habitualmente galego descendeu no conxunto da comunidade, do 30,5% ao 16%. «Sumando as persoas que din falar 'só galego' e 'máis galego', prodúcese unha caída de 22,1% do uso habitual da lingua», insistiu Callón.

O presidente da Mesa evidenciou «preocupación» perante as medidas sobre política lingüística anunciadas por Alberto Núñez Feijoo, quen previsiblemente será o próximo mes o novo presidente da Xunta. Callón indica que en Cataluña e o País Vasco, nese mesmo período -que coincide co anterior mandato do Partido Popular na Xunta- o uso dos idiomas autóctonos aumentou de forma significativa, o contrario do que aconteceu no territorio galego.

A Mesa defende a necesidade de «crear espazos de uso que permitan darlle vitalidade á lingua», e que complementen a formación lingüística nos centros de ensino.

Para ler a nova en La Voz de Galicia, que é o seu lugar de orixe, preme aquí