A Nossa Língua é Internacional

sexta-feira, 5 de dezembro de 2008

'As academias defenden ás elites controlando a lingua'

Redacción. Lograr que a Real Academia Española (RAE) elimine as acepcións de 'tonto' e 'tartamudo' do termo 'gallego'. Este é o obxectivo dun grupo de mozos de Compostela que se acaban de organizar co nome de Asociación Garipano.

Garipano conta co apoio da escritora Teresa Moure. Neste vídeo de ANT TV, Moure denuncia que “o que acontence coas academias é que son instuticións conservadoras que manteñen os privilexios das elites e fanno precisamente a través do control da lingua”.

A profesora na Facultade de Filoloxía da Universidade de Santiago asegura que, na súa tarefa de “control”, a RAE e as outras academias “non queren cambios, ao igual que pasa cos termos que trivializan as mulleres ou a homosexualidade”.

Tatexos, pero só dende 2001


A colaboradora de ANT explica que a acepción de tatexo nace das dificultades que tiñan os galegofalantes para falaren correctamente o idioma castelán. Mar López, da Asociación Garipano, indica que foi en 2001 cando se introduciu esta acepción de tartamudo, tras a morte do académico galego Camilo José Cela.

López tamén indica que no caso doutras linguas, como o catalán ou o castelán, o dicicionario da RAE si especifica que se trata dunha lingua romance.

Para lograr o seu obxectivo, a Asociación Garipano lanzou unha páxina web na que recolle sinaturas tanto a nivel individual como colectivo.


Para ler a nova na sua fonte original, preme aqui

5 pingas caídas nesta terra:

Rosalía Fernández Rial disse...

aí está o link para deixar a sinatura

http://spreadsheets.google.com/viewform?key=pNL910G3HeMl_uXxF5QuATQ&email=true


Todo galego cun mínimo de dignidade tn a obriga moral de asinar

fgul disse...

...pois haberá que botarlle un ollo á proposta...

AFP disse...

Quem compartilha o conhecimento compartilha o poder, e o conhecimento necessita dumha linguage própria que permita encobrir os interesses da classe dirigente com eufemismos, jogando cos sentimentos, etc. As tácticas desta linguage traspiram à perfeiçom no caso do binómio político-mediático onde se fala de medios de massa, como se fossem elaborados polas massas para a expresom das suas inquedanças quando som feitos por umha minoria para o submetimento e adormicimento dumha maioria, portanto às avesas. Essa é a a verdadeira linguage que advoga pola impostura, polo falso, para bombardear com informaçons ao povo e desactivar qualquer possibilidade de espírito crítico e resistência ao consumir o seu bio-tempo mesmo quando o espectador nom esteja de acordo (mentres recebe images e sons nom pensa nem discerne) e afundando na maré social a permanente inseguridade no interior dumha espiral de ignoráncia que se retroalimenta.

Xoán S. Pazos disse...

Boas!!

Pásome polo teu blogue e de paso boto a firmiña. Soio visitalo, pero hoxe atrévome a botar a sinatura porque me parece unha causa xusta xustísima. A linguaxe é un dos principais elementos que o poder usa para o dominio e o control histórico da sociedade, porque é un control que a masa asume inconscientemente. Pero iso xa o dicía Nietzsche.
En fin, que tentarei sacar mais peito e firmar máis de vez en cando.
saúde e república, compañeiro de facultade.


Asdo. Xoán

Anónimo disse...

Un post moi interesante, irmán. Xa aproveitei para asinar debidamente. Algúns impresentables aínda pensan que seguimos coa senlla enriba da cabeza...

Este blogue forma parte da Rede de Blogueiras/os en defensa do Galego